O‘zbek alifbosini takomillashtirishga oid qonun imzolandi
Prezident Shavkat Mirziyoyev bugun, 21-oktabr kuni lotin yozuviga asoslangan o‘zbek alifbosini takomillashtirishga oid qonunni imzoladi.
Bu haqda Prezident Administratsiyasi rahbari Saida Mirziyoyeva ma’lum qildi.
Uning ta’kidlashicha, amaldagi barcha hujjatlar, milliy valyuta va qimmatli qog‘ozlar o‘z kuchida qoladi. Darsliklar, peshlavha va ko‘rsatkichlar esa yaroqlilik muddati tugagach, bosqichma-bosqich almashtiriladi.
«Nihoyat, uzoq yillik tarixiy xato tuzatildi», – deya ta’kidlagan Saida Mirziyoyeva.
