BRB Markaziy Osiyoda bank transformatsiyasi bo‘yicha eng yaxshi deb topildi
Biznesni rivojlantirish banki (BRB) Euromoney Awards for Excellence 2026 xalqaro mukofotining “Central Asia’s Best Bank Transformation 2026” nominatsiyasida g‘olib bo‘ldi.
Mukofotlarni topshirish marosimi 10-sentabr kuni Singapurda bo‘lib o‘tdi. Unda BRBda so‘nggi yillarda amalga oshirilgan transformatsiya jarayonlari xalqaro miqyosda e’tirof etildi.
Bankdagi o‘zgarishlar biznes modeli, korporativ boshqaruv, risklarni boshqarish, mijozlarga xizmat ko‘rsatish va ichki jarayonlarni takomillashtirishni qamrab olgan. Shuningdek, kichik va o‘rta biznes uchun moliyaviy xizmatlardan foydalanish imkoniyatlarini kengaytirishga alohida e’tibor qaratilgan.
Mazkur mukofot BRBning bank transformatsiyasi yo‘nalishidagi natijalari Markaziy Osiyo miqyosida e’tirof etilganini ko‘rsatadi.
