Farg‘ona va Namanganda “Umra”ga noqonuniy yuborish holatlari aniqlandi

Qo‘qon shahrida faoliyat yurituvchi sayyohlik firmasi rahbari 2 nafar fuqaroni “Umra” safariga yuborish evaziga 2 200 AQSH dollari talab qilgani aytilmoqda. DXX va ichki ishlar organlari hamkorligida o‘tkazilgan tezkor tadbirda u pul mablag‘ini olayotgan vaqtda ushlangan.

Chortoq tumanida esa sayyohlik firmasi xodimi 2 nafar fuqaroni “Umra”ga yuborish uchun 2 200 AQSH dollari talab qilib, oldindan 400 dollar olayotgan vaqtida ushlangan.

Har ikki holat yuzasidan jinoyat ishlari qo‘zg‘atilib, tergov harakatlari olib borilmoqda.