Asakabank – ketma-ket besh yil xalqaro e’tirofda

8-sentabr kuni Singapurda Osiyo taraqqiyot bankining Savdo va ta’minot zanjirlarini moliyalashtirish dasturi doirasida o‘tkazilgan TSCFP Awards marosimida Asakabank yana bir bor “O‘zbekistondagi yetakchi hamkor bank” deb e’tirof etildi.

E’tiborlisi, bank ushbu xalqaro mukofotni ketma-ket beshinchi yil qo‘lga kiritmoqda. Bu Asakabankning savdoni moliyalashtirish, xalqaro operatsiyalar va xorijiy moliya institutlari bilan hamkorlik yo‘nalishlarida barqaror natija ko‘rsatayotganidan dalolat beradi.

Xalqaro hamkorlikning kengayishi mahalliy biznes uchun tashqi savdoni moliyalashtirish, yangi bozorlarga chiqish va xalqaro moliyaviy imkoniyatlardan foydalanish imkoniyatlarini yanada kengaytiradi.

Reklama