Uchko‘prik tumani hokimi lavozimini 210 ming dollarga “olib berish”ni va’da qilgan shaxs ushlandi

Fuqaro S.A. o‘zini hakamlik sudi sudyasining yordamchisi sifatida tanishtirib, yuqori lavozimdagi tanishlari orqali boshqa bir fuqaroni 210 ming dollar evaziga Uchko‘prik tumani hokimi lavozimiga ishga joylashtirib qo‘yishni va’da qilgan.

U kelishilgan pulning 100 ming dollarini olayotgan vaqtida huquqni muhofaza qiluvchi organ xodimlari tomonidan ashyoviy dalillar bilan ushlangan.

Mazkur holat yuzasidan jinoyat ishi qo‘zg‘atilgan. Tergov davom etmoqda.