O‘zbekiston va Serbiya o‘rtasidagi tovar ayirboshlash 9 yilda qariyb 9 barobarga oshdi
O‘zbekiston Prezidenti Shavkat Mirziyoyevning 7–8-sentabr kunlari Serbiya Respublikasiga davlat tashrifi arafasida Iqtisodiy tadqiqotlar va islohotlar markazi ikki mamlakat o‘rtasidagi savdo-iqtisodiy va investitsiyaviy hamkorlik bo‘yicha sharh va infografika taqdim etdi.
Markaz ma’lumotlariga ko‘ra, 2016–2025-yillarda O‘zbekiston va Serbiya o‘rtasidagi tovar ayirboshlash hajmi qariyb 9 barobarga oshib, 12 mln dollarga yetgan.
Shu davrda O‘zbekistonning Serbiyaga eksporti 3 barobarga oshib, 0,9 mln dollarni, import esa 10 barobarga ko‘payib, 11,1 mln dollarni tashkil etgan.
2016–2025-yillarda Serbiyadan O‘zbekistonga jalb qilingan investitsiyalarning jami hajmi 2,2 mln dollarni tashkil qilgan. 2024-yilda esa Serbiyadan jalb qilingan investitsiyalar hajmi 0,2 mln dollar bo‘lgan.
Ayni paytda O‘zbekistonda Serbiya kapitali ishtirokidagi 9 ta korxona faoliyat yuritmoqda.
