Chorvoq suv omborida ota va ikki o‘g‘il suvga cho‘kib ketdi

2026-yil 2-sentabr kuni Toshkent viloyati Bo‘stonliq tumani “Burchmulla” MFY hududidagi Chorvoq suv omborida uch nafar fuqaro – ota va uning ikki o‘g‘li suvga cho‘kib ketdi.

FVV ma’lumotiga ko‘ra ular katerda sayrga chiqib, suvga tushish taqiqlangan hududda himoya nimchasisiz suvga tushgan.

Xabar kelib tushishi bilan FVVning g‘avvos-qutqaruvchilari hodisa joyiga yetib borib, 2–2,5 kilometr radiusdagi hududda qidiruv ishlarini boshlagan. Jarayonga barcha zarur kuch va vositalar jalb etilgan.

Qayd etilishicha, suv omborining chuqurligi va qidiruv hududining kattaligi ishlarni murakkablashtirmoqda. Qidiruv ishlari davom etmoqda.