Chinozda ko‘p qavatli uy tomida yong‘in chiqdi

Toshkent viloyati Favqulodda vaziyatlar bosh boshqarmasi ma’lumotiga ko‘ra, 22-avgust kuni soat 08:17 da Chinoz tumani “Bunyodkor” MFY, Sharof Rashidov ko‘chasida joylashgan ko‘p qavatli uy tomida yong‘in sodir bo‘lgan.

Xabar asosida yong‘in-qutqaruv bo‘linmalari voqea joyiga yetib borib, yong‘inni bartaraf etish ishlarini boshlagan. Hodisa vaqtida uydagi barcha fuqarolar evakuatsiya qilingan.

Yong‘in soat 09:35 da to‘liq o‘chirilgan. Tan jarohati olganlar haqida ma’lumot kelib tushmagan.

Hozirda yong‘inning kelib chiqish sababi va yetkazilgan moddiy zarar miqdori aniqlanmoqda.