Avgust oyida qanday astronomik hodisalar kuzatiladi?

Oʻzbekiston Fanlar akademiyasi axborot xizmati kosmos ixlosmandlari uchun avgust oyida kuzatilishi mumkin boʻlgan eng qiziqarli astronomik hodisalar taqvimini taqdim etdi.

• 2-avgust – Merkuriyning gʻarbiy elongatsiyasi. Quyosh chiqishidan avval Merkuriyni Oʻzbekistondan yorqin yulduz sifatida kuzatish mumkin.
• 12-avgust – Toʻliq Quyosh tutilishi. Hodisa Rossiyaning shimoli, Grenlandiya, Islandiya va Ispaniyada kuzatiladi. Oʻzbekistonda esa koʻrinmaydi.
• 12–13-avgust – Perseid meteor yogʻini. Yilning eng yorqin meteor yogʻinlaridan biri boʻlib, bir soatda 60 tagacha meteorni kuzatish mumkin.
• 15-avgust – Veneraning sharqiy elongatsiyasi. Quyosh botganidan soʻng Venera gʻarbiy ufqda eng yorqin sayyora sifatida koʻrinadi.
• 28-avgust – Qisman Oy tutilishi. Hodisa Afrika, Yevropa va Amerika qit’alarida kuzatiladi.

Shuningdek, avgust oyida sayyoralarni kuzatish uchun eng qulay vaqtlar ham ma’lum qilindi:

• Shom payti – Venera;
• Tunda – Saturn va Neptun;
• Tunning ikkinchi yarmida – Mars va Uran;
• Tongga yaqin – Yupiter va Merkuriy.