“Ummu Muhammad” taxallusida ayollarni “hijrat”ga chorlagan shaxs qidirilmoqda

Davlat xavfsizlik xizmati ma’lumotiga ko‘ra, Me’rojixon Abobakirovaga nisbatan Jinoyat kodeksining 244²-moddasi – diniy ekstremistik, separatistik, fundamentalistik yoki boshqa taqiqlangan tashkilotlar tuzish, ularga rahbarlik qilish yoxud ularda ishtirok etish bo‘yicha jinoyat ishi qo‘zg‘atilgan va u qidiruvga berilgan.

Huquqni muhofaza qiluvchi organlar ma’lumotida Abobakirova Telegram’da “Ummu Muhammad” taxallusi ostida diniy ta’lim niqobida ayollarni “hijrat”ga chorlab, xorijdagi ekstremistik va terroristik tashkilotlar safiga jalb qilish bilan shug‘ullanganlikda gumon qilinayotgani qayd etilgan.

Me’rojixon Abobakirova hamda uning turmush o‘rtog‘i Sarvarbek Abobakirov haqida ma’lumotga ega fuqarolardan DXXning 1520 yoki IIVning 1102 ishonch telefonlariga murojaat qilish so‘ralgan.