Namanganda 1,1 mlrd so‘mlik oltinni Hindistonga noqonuniy olib chiqishga urinish aniqlandi
Namangan aeroportida Davlat xavfsizlik xizmati va Bojxona boshqarmasi xodimlari hamkorligida tezkor tadbir o‘tkazildi.
“Namangan – Dehli” yo‘nalishi bo‘yicha Hindistonga uchib ketmoqchi bo‘lgan Andijon va Farg‘ona viloyatlarida yashovchi 5 nafar fuqaro maxsus tekshiruvdan o‘tkazildi.
Tekshiruv davomida ularning tanasiga yashirilgan, jami 555 gramm quyma oltin va 200 gramm zargarlik buyumlari aniqlangan.
Dastlabki hisob-kitoblarga ko‘ra, qimmatbaho metallarning umumiy qiymati qariyb 1,1 mlrd so‘mni tashkil etadi.
Hozirda holat yuzasidan tergovga qadar tekshiruv olib borilmoqda.
