O‘zbekistonda gigant qovoq navlari yetishtirilmoqda

Joriy yilda Italiyadan Big Max, Atlantic Giant va Mammoth Gold navlariga mansub 600 kilogramm qovoq urug‘i olib kelinib, mamlakatning barcha hududlaridagi tajriba stansiyalarida jami 150 gektar maydonga ekildi.

Dastlabki hisob-kitoblarga ko‘ra, har gektardan o‘rtacha 500 sentner, jami esa 7,5 ming tonna hosil olish kutilmoqda. Ayni paytda qovoqlarning vazni 25–40 kilogrammga yetmoqda.

Xorazm viloyatining Xonqa tumanida olimlar ishtirokida 312 nafar fermer xo‘jaligi rahbari uchun gigant qovoq navlarini yetishtirish agrotexnologiyalariga bag‘ishlangan amaliy seminar ham o‘tkazildi.

Bunday o‘quv-amaliy seminarlar boshqa hududlarda ham davom ettirilmoqda.