Jizzaxda g‘o‘zapoyani maydalab, bir vaqtning o‘zida g‘alla ekadigan seyalkа ishlab chiqarilmoqda

Jizzax viloyati Mirzacho‘l tumanida g‘o‘za qator oralariga g‘alla ekishga mo‘ljallangan yangi turdagi seyalka ishlab chiqarilmoqda.

Texnikaning asosiy afzalligi shundaki, u g‘o‘zapoyani maydalash va g‘alla ekish ishlarini bir vaqtning o‘zida bajaradi. Seyalka harakat davomida g‘o‘zapoyani maydalab, hosil bo‘lgan o‘simlik qoldiqlarini dala bo‘ylab bir tekis taqsimlaydi.

Mazkur texnologiya tuproq eroziyasining oldini olish, namlikni saqlash, yerga qo‘shimcha ishlov berish zaruratini kamaytirish va texnika sarfini qisqartirish imkonini beradi.