Elektrotexnika korxonalari uchun soliq va bojxona imtiyozlarini 2030-yilgacha uzaytirish taklif etildi
Prezident Shavkat Mirziyoyev elektrotexnika sanoatini yangi bosqichga olib chiqish va raqobatbardosh mahsulotlar ishlab chiqarishni qo‘llab-quvvatlash yuzasidan taqdimot bilan tanishdi.
Taqdimotda elektrotexnika sanoati korxonalari uchun amaldagi soliq va bojxona imtiyozlari muddatini 2030-yilgacha uzaytirish, shuningdek, yondosh mahalliy sanoat korxonalarini qo‘llab-quvvatlash taklif etildi.
Bundan tashqari, kamida 50 mln dollar sarmoya kiritadigan yirik xalqaro brendlarga soliq imtiyozlari berish va ularga zarur infratuzilmaga ega tayyor binolar taklif etish ko‘zda tutilmoqda.
2030-yilgacha elektrotexnika va unga yondosh tarmoqlarda ishlab chiqarish hajmini 11 mlrd dollarga, eksportni 5 mlrd dollarga yetkazish hamda 3 mlrd dollar investitsiya jalb qilish rejalashtirilgan.
