Raqobat qo‘mitasi: reklama sohasida 6 mingga yaqin qonunbuzilishi aniqlandi
Raqobat qo‘mitasi tomonidan 2026-yilning birinchi yarim yilligida reklama bozorini tartibga solish sohasida amalga oshirilgan ishlar yuzasidan brifing o‘tkazildi.
Brifingda ma’lum qilinishicha, hisobot davrida reklamalar bo‘yicha 13,5 mingdan ortiq o‘rganish o‘tkazilib, qariyb 6 mingta qonunbuzilishi aniqlangan.
Shuningdek, qimor va tavakkalchilikka asoslangan o‘yinlarni targ‘ib qiluvchi 50 dan ortiq veb-sayt bloklangan.
OAV, Telegram guruh va kanallari, “.uz” domenidagi veb-saytlar ma’murlari, reklama agentliklari hamda reklama bozorining boshqa ishtirokchilariga qonunchilik talablariga rioya etish va qonunbuzilishlarning oldini olish maqsadida 10 mingga yaqin ogohlantirish va so‘rovlar yuborilgan.
