O‘zbekistonda aholiga tegishli avtotransport vositalari soni 4,9 milliondan oshdi

Milliy statistika qo‘mitasi ma’lumotlariga ko‘ra, 2026-yil 1-aprel holatiga O‘zbekistonda jismoniy shaxslarga tegishli 4 million 903,1 mingta avtotransport vositasi ro‘yxatga olingan.

Statistik ma’lumotlar shuni ko‘rsatadiki, avtotransport vositalarining asosiy qismini yengil avtomobillar tashkil etadi. Ularning ulushi jami transport vositalarining 92,8 foiziga teng.

Shuningdek, 2025-yilning mos davriga nisbatan jismoniy shaxslarga tegishli avtomobillar soni 344,6 mingtaga oshgan.

Jismoniy shaxslarga tegishli avtotransport vositalari turlari bo‘yicha quyidagicha taqsimlangan:

• yengil avtomobillar — 4 million 552,3 ming dona;

• yuk avtomobillari — 330,3 ming dona;

• mikroavtobuslar — 7,5 ming dona;

• maxsus transport vositalari — 7,2 ming dona;

• avtobuslar — 5,8 ming dona.

Mazkur ko‘rsatkichlar mamlakatda avtomobillashuv darajasi ortib borayotganini hamda aholining shaxsiy transport vositalariga bo‘lgan ehtiyoji va talabi yuqori ekanini ko‘rsatadi.