11–12-oktabrda tog‘li hududlarda sel va suv toshqini kuzatilishi mumkin
O‘zgidromet 2026-yil 11–12-oktabr kunlari kutilayotgan yomg‘irlar sababli tog‘ oldi va tog‘li hududlarda sel va suv toshqini xavfi yuzaga kelishi mumkinligidan ogohlantirdi.
Ogohlantirish Qashqadaryo, Surxondaryo, Samarqand, Navoiy, Jizzax, Toshkent, Namangan, Farg‘ona va Andijon viloyatlarining ayrim hududlarini qamrab oladi. Angren, Olmaliq va Xonobod shaharlarida ham bunday hodisalar ehtimoli bor.
Ushbu hududlarda yashovchilar, dam oluvchilar va haydovchilardan ehtiyot choralarini ko‘rish so‘ralgan.
Ayrim joylarda yomg‘ir suvlari to‘planib, hududlarni suv bosishi mumkin.
