Saida Mirziyoyeva Yangi Toshkentdagi qurilish jarayonlari bilan tanishdi
Prezident Administratsiyasi rahbari Saida Mirziyoyeva Yangi Toshkent hududida barpo etilayotgan zamonaviy bino va inshootlarning qurilish jarayonini ko‘zdan kechirdi.
Administratsiya rahbari Yangi Toshkent konsepsiyasi britaniyalik mutaxassislar tomonidan uzoq muddatli istiqbol hisobga olingan holda ishlab chiqilganini ta’kidladi. Yangi Toshkent konsepsiyasi Britaniyaning Cross Works kompaniyasi tomonidan ishlab chiqilgani avvalroq Prezident matbuot xizmati tomonidan ham ma’lum qilingan.
Saida Mirziyoyeva tadbirkorlarni Yangi Toshkentga sarmoya kiritish, qurilish loyihalarini amalga oshirish va o‘z biznesini yo‘lga qo‘yishga chaqirdi. U avvalroq ham poytaxtni rivojlantirishga hissa qo‘shadigan biznes tashabbuslarini qo‘llab-quvvatlash zarurligini ta’kidlagan edi.
