Termizda O‘zbekiston–Afg‘oniston yengil sanoat ko‘rgazmasi o‘tkazilmoqda

Termizdagi “Termiz xalqaro savdo markazi” erkin savdo zonasida O‘zbekiston–Afg‘oniston yengil sanoat mahsulotlari ko‘rgazmasining birinchi kuni bo‘lib o‘tdi.

Tadbirda O‘zbekistondan 90 dan ortiq, Afg‘onistondan esa 60 dan ziyod kompaniya vakillari qatnashib, to‘qimachilik, trikotaj, tayyor kiyim-kechak, charm-poyabzal, gilam va boshqa yengil sanoat mahsulotlarini namoyish etdi.

Ko‘rgazma doirasida B2B uchrashuvlar va ikki tomonlama muzokaralar o‘tkazilib, yangi savdo sheriklarini topish, eksport shartnomalarini tuzish hamda ishlab chiqarish kooperatsiyasini kengaytirish masalalari muhokama qilindi.

Tadbir mahalliy ishlab chiqaruvchilar uchun Afg‘oniston bozoriga chiqish va yangi xaridorlar bilan to‘g‘ridan-to‘g‘ri aloqalar o‘rnatish imkoniyatlarini kengaytirishga qaratilgan.