Özbekiston va Iordaniya örtasidagi savdo hajmi 14 baravar oşdi
Prezident Şavkat Mirziyoyevning Ostonada Aqaba jarayoni doirasidagi uçraşuvda iştirok etişi munosabati bilan Iqtisodiy tadqiqotlar va islohotlar markazi Özbekiston–Iordaniya savdo-investitsiyaviy hamkorligiga oid muhim ma’lumotlarni e’lon qildi.
Unga köra, 2017–2025-yillarda ikki mamlakat örtasidagi tovar ayirboşlaş 14 baravar oşib, 12 million dollarga yetgan. 2025-yilda eksport 5,6 million dollarni, import esa 6,4 million dollarni taşkil etgan.
2025-yil avgustda tomonlar 15 ta hujjat imzolagan. Ular investitsiyalarni özaro rağbatlantiriş va himoya qiliş, Hukumatlararo qöşma komissiyani taşkil etiş hamda tovarlar va transport vositalari harakati haqida dastlabki ma’lumot almaşişni qamrab oladi.
Şuningdek, 2026-yil 1-iyuldan Amman – Toşkent yönalişida töğridan-töğri aviaqatnov yölga qöyilgan. Reyslar haftasiga ikki marta amalga oşirilmoqda.
