“Milliy muzey Markaziy Osiyodagi eng yirik madaniy loyihalardan biri bo‘ladi” – Saida Mirziyoyeva

Prezident Shavkat Mirziyoyev 11-sentabr kuni Toshkent shahrida barpo etilayotgan O‘zbekiston Milliy muzeyi qurilish jarayoni bilan tanishdi.

Muzeyning me’moriy konsepsiyasi dunyoning mashhur me’morlaridan biri, nufuzli Pritzker mukofoti sovrindori Tadao Ando tomonidan ishlab chiqilgan.

Uning loyihalari asosida bunyod etilgan muzey va madaniy maskanlar Yaponiya, Yevropa hamda AQShda yuqori baholanadi. Tadao Andoning me’moriy uslubi soddalik va aniqlik, makon hamda yorug‘lik uyg‘unligiga o‘ziga xos yondashuvi bilan tanilgan.

Prezident Administratsiyasi rahbari Saida Mirziyoyevaning ta’kidlashicha, Milliy muzey Markaziy Osiyodagi eng yirik madaniy loyihalardan biriga aylanishi kutilmoqda.

Majmuada ko‘rgazma zallari, kutubxona, restavratsiya laboratoriyalari va ta’lim maydonlari tashkil etiladi.