DSBA magistraturasiga qabulning yakuniy bosqichi 21-sentabrda boshlanadi
2026-yil 21-sentabrdan O‘zbekiston Respublikasi Prezidenti huzuridagi Davlat siyosati va boshqaruvi akademiyasida magistratura mutaxassisliklariga qabul jarayonining yakuniy – ochiq suhbat bosqichi boshlanadi.
Talabgorlarga suhbat kuni va vaqti haqida Akademiyaning qabul.dsba.uz hamda bsa.dsba.uz onlayn platformalari orqali xabarnoma yuborilgan.
Suhbatga keluvchilar o‘zlari bilan shaxsni tasdiqlovchi hujjat – pasport yoki ID-kartaning asl nusxasini olib kelishlari lozim.
Suhbatlar O‘zbekiston Respublikasi Prezidenti huzuridagi Davlat siyosati va boshqaruvi akademiyasida o‘tkaziladi.
