Prezident Milliy muzey qurilishi va “RomPharm NS” korxonasi faoliyati bilan tanishdi

Prezident Shavkat Mirziyoyev poytaxtda barpo etilayotgan O‘zbekiston Milliy muzeyi qurilishini ko‘zdan kechirdi.

Muzey loyihasi yaponiyalik me’mor Tadao Ando tomonidan ishlab chiqilgan. Majmua 3,9 gektar maydonni egallaydi va unda qariyb 10 mingta eksponat namoyish etilishi rejalashtirilgan.

Davlat rahbari, shuningdek, Olmazor tumanidagi “RomPharm NS” farmatsevtika korxonasida bo‘ldi.

Qiymati 45 mln yevro bo‘lgan korxonada ishlab chiqarish jarayonining 90 foizi avtomatlashtirilgan. Kelgusida korxonaning yillik quvvatini 1 mlrd tabletka, 500 mln kapsula va 120 mln sashega yetkazish rejalashtirilgan.