O‘zbekistonda I Markaziy Osiyo talabalar sporti forumi o‘tkaziladi
2026-yil 29-sentabrdan 2-oktabrgacha O‘zbekistonda I Markaziy Osiyo talabalar sporti forumi bo‘lib o‘tadi.
Forum Xalqaro universitet sporti federatsiyasi (FISU) prezidenti Leonz Ederning O‘zbekistonga tashrifi munosabati bilan, shuningdek, mamlakatning talabalar sporti sohasidagi tajribasini xalqaro miqyosda targ‘ib qilish maqsadida tashkil etilmoqda.
Tadbir doirasida talabalar sportini rivojlantirish, sohadagi dolzarb masalalar va hamkorlik istiqbollari muhokama qilinadi.
Forumda FISU rahbariyati, shuningdek, Qozog‘iston, Qirg‘iziston, Mo‘g‘uliston, Tojikiston va Turkmaniston talabalar sporti federatsiyalari vakillari ishtirok etishi rejalashtirilgan.
