O‘zbekistonga ko‘chib keluvchilar 2,5 baravar ko‘paydi – 82 foizdan ortig‘i Toshkent shahri va viloyatini tanlagan
Milliy statistika qo‘mitasi ma’lumotlariga ko‘ra, 2026-yilning yanvar–iyun oylarida O‘zbekistonga xorijdan 1 649 kishi doimiy yashash uchun ko‘chib kelgan. Bu o‘tgan yilning shu davriga nisbatan 2,5 baravar ko‘p.
Eng ko‘p ko‘chib kelganlar Rossiyadan – 580 kishi, Qozog‘istondan – 362 kishi, Tojikistondan – 147 kishi. Rossiya va Qozog‘iston hissasiga jami ko‘chib keluvchilarning 57 foizdan ortig‘i to‘g‘ri keladi.
Hududlar kesimida Toshkent shahri yetakchi – 1 089 kishi. Toshkent viloyatiga 269 kishi ko‘chib kelgan. Shu tariqa, poytaxt va Toshkent viloyati jami ko‘chib keluvchilarning 82 foizdan ortig‘ini qabul qilgan.
Eng kam ko‘rsatkich Qashqadaryo viloyatida – 5 kishi qayd etilgan.
