Saida Mirziyoyeva Xitoy tashqi ishlar vaziri Van I bilan uchrashdi
Saida Mirziyoyeva Xitoy Kommunistik partiyasi Markaziy Qo‘mitasi Siyosiy byurosi a’zosi, XKP MQ Tashqi ishlar bo‘yicha komissiyasi devoni rahbari va Xitoy tashqi ishlar vaziri Van I bilan uchrashdi.
Muloqotda O‘zbekiston va Xitoy o‘rtasidagi strategik sheriklikni yangi bosqichda rivojlantirish, savdo-iqtisodiy, investitsiyaviy va madaniy aloqalarni kengaytirish masalalari muhokama qilindi.
Shuningdek, global masalalar bo‘yicha umumiy yondashuvlarni shakllantirishga alohida e’tibor qaratildi.
Tashrif doirasida Saida Mirziyoyeva Pekindagi Xitoy Kommunistik partiyasi tarixi muzeyida ham bo‘ldi. U muzey Xitoyning bir asrlik taraqqiyot yo‘lini aks ettirishini va mamlakat bosib o‘tgan murakkab yo‘l hamda ulkan o‘zgarishlar haqida keng tasavvur berishini ta’kidladi.
