Shavkat Mirziyoyev Donald Trampga an’anaviy o‘zbek shiyponlarini sovg‘a qildi
O‘zbekiston Prezidenti Shavkat Mirziyoyev AQSH Prezidenti Donald Trampga milliy hunarmandchilik an’analarini aks ettiruvchi ikkita o‘zbek shiyponini sovg‘a qildi.
Milliy me’morchilik va hunarmandchilik namunasi bo‘lgan shiyponlar allaqachon Vashingtonga yetkazilgan.
Ularni G‘arbiy Potomak parkida Donald Tramp tomonidan rejalashtirilayotgan Amerika qahramonlari milliy bog‘i hududiga o‘rnatish ishlari olib borilmoqda.
Mazkur shiyponlar o‘zbek milliy hunarmandchiligi va me’moriy an’analarini namoyon etuvchi o‘ziga xos inshoot sifatida yangi bog‘ hududidan joy olishi ko‘zda tutilgan.
