Ilhom Aliyev davlat tashrifi bilan O‘zbekistonga keldi
Ozarbayjon Prezidenti Ilhom Aliyev rafiqasi bilan davlat tashrifi bilan O‘zbekistonga keldi. Mehmonlarni “Toshkent-Humo” xalqaro aeroportida Prezident Shavkat Mirziyoyev va rafiqasi kutib oldi.
Tashrif doirasida Prezident Shavkat Mirziyoyev Ilhom Aliyevga O‘zbekiston Respublikasining oliy davlat mukofoti – “Oliy Darajali Do‘stlik” ordenini topshirdi.
O‘z navbatida, Prezident Ilhom Aliyev Shavkat Mirziyoyevni Ozarbayjonning oliy davlat mukofoti – “Haydar Aliyev” ordeni bilan taqdirladi.
Shuningdek, davlat rahbarlari Abadiy do‘stlik to‘g‘risidagi shartnoma hamda Oliy davlatlararo kengash uchinchi yig‘ilishining qarorini imzoladilar.
