O‘zbekistonda yangi o‘quv yili qachon boshlanishi ma’lum qilindi

O‘zbekistonda yangi o‘quv yilining boshlanish sanalari ma’lum qilindi.

Umumta’lim maktablarida darslar 2-sentabrdan boshlanadi. Joriy yilda birinchi sinfga qabul qilinadigan 795 mingdan ortiq o‘quvchiga 12 nomdagi o‘quv qurollaridan iborat “Prezident sovg‘asi” tantanali ravishda topshiriladi.

Oliy ta’lim muassasalarida yangi o‘quv yili 1-bosqich talabalari uchun 7-sentabrdan, 2-bosqich va undan yuqori kurslar uchun esa 14-sentabrdan boshlanadi.

Akademik litsey va texnikumlarda ham o‘quv jarayonlari 2-sentabrdan boshlanadi.