Toshkentdagi noqonuniy qurilishlar haqida xabar berish uchun maxsus Telegram-bot ishga tushirildi

Bosh prokuratura tomonidan Toshkent shahrining me’moriy qiyofasini saqlash, shaharsozlik normalariga rioya etilishini ta’minlash va noqonuniy qurilishlarning oldini olish maqsadida @noqonuniy_qurilish_bot Telegram-boti ishga tushirildi.

Fuqarolar ushbu bot orqali poytaxtdagi noqonuniy qurilishlar haqida tezkor ma’lumot yuborishlari mumkin.

Xususan, ko‘p qavatli uylar atrofi, sport maydonchalari, bolalar o‘yingohlari, yashil hududlar va boshqa jamoat joylarida noqonuniy qurilish holatiga duch kelgan fuqarolar @noqonuniy_qurilish_bot orqali murojaat yo‘llashlari mumkin.