Toshkentda ekologik marafon va “Green Games” musobaqalari o‘tkaziladi
19-sentabr kuni Toshkent shahridagi “Yangi O‘zbekiston bog‘i”da ekologiya va sog‘lom turmush tarziga bag‘ishlangan qator sport tadbirlari tashkil etiladi.
Dasturdan “Yoshlar va ekologiya” xalqaro yugurish marafoni, “Ekologiya va velosport” musobaqasi, shuningdek, 20-sentabr – Butunjahon tozalik kuniga bag‘ishlangan “Green Games” respublika plogging musobaqasi o‘rin olgan.
Tadbirlar Ekologiya va iqlim o‘zgarishi milliy qo‘mitasi, Sport vazirligi, Toshkent shahar hokimligi, Maktabgacha va maktab ta’limi vazirligi hamda Volontyorlar Assotsiatsiyasi hamkorligida o‘tkaziladi.
Shuningdek, 22-sentabr – Xalqaro avtomobilsiz kun doirasida erkaklar o‘rtasida “Salomatlik sari yo‘l” velomarafoni, o‘g‘il bolalar va qizlar o‘rtasida esa turli masofalarga xalqaro yugurish marafoni tashkil etiladi.
G‘olib va sovrindorlar elektroskuter, elektrosamokat va velosipedlar bilan taqdirlanadi.
Ishtirok etish va batafsil ma’lumot uchun: +998 (94) 507-27-72, +998 (93) 979-00-35.
