Тoshkentda issiq suv ta’minotida 5 kunlik rejali uzilishlar bo‘ladi

Toshkent shahrida kuz-qish mavsumiga tayyorgarlik doirasida sentabr–oktabr oylarida issiqlik markazlarida profilaktika va ta’mirlash ishlari o‘tkaziladi. Shu munosabat bilan ayrim hududlarda issiq suv ta’minoti 5 kunga vaqtincha to‘xtatiladi.

Veolia Energy  Tashkent e’lon qilgan jadvalga ko‘ra:

– 14–18 sentabr – Mirzo Ulug‘bek, Yashnobod, Yakkasaroy, Mirobod, Chilonzor, Shayxontohur va Sergeli tumanlarining ayrim hududlari;

– 21–25 sentabr – Mirzo Ulug‘bek, Yashnobod, Yunusobod, Shayxontohur, Olmazor va Chilonzor tumanlarining ayrim hududlari;

– 28 sentabr – 2 oktabr – Yunusobod, Olmazor va Shayxontohur tumanlarining ayrim hududlari;

– 5–9 oktabr – Mirobod, Yashnobod, Sergeli, Yangihayot va Bektemir tumanlarining ayrim hududlari;

– 12–16 oktabr – Chilonzor va Uchtepa tumanlarining ayrim hududlarida issiq suv ta’minoti vaqtincha to‘xtatiladi.

Bundan tashqari, lokal qozonxonalarni ta’mirlash ishlari sababli sentabr va oktabr oylarida Mirzo Ulug‘bek, Shayxontohur, Yashnobod, Bektemir, Uchtepa, Mirobod va Yangihayot tumanlaridagi ayrim uylar hamda ijtimoiy obyektlarda qisqa muddatli uzilishlar rejalashtirilgan.

Ta’mirlash ishlari kuz-qish mavsumida issiqlik ta’minoti tizimining barqaror ishlashini ta’minlash maqsadida amalga oshiriladi.