O‘zbekiston futboli boshqaruvida Britaniya tajribasi qo‘llanishi mumkin
Boshqaruv samaradorligi agentligi ma’lum qilishicha, futbolchilarni saralash, transferlar va ularning professional faoliyatini boshqarishda Britaniya tajribasidan foydalanish masalasi muhokama qilingan.
Prezident Administratsiyasi, agentlik va O‘FA vakillari bu borada Britaniyaning «Blue Sky Sports» kompaniyasi direktori Richard Kressvell bilan muloqot o‘tkazgan.
Shuningdek, yosh futbolchilarning xorijiy klublar va akademiyalarda rivojlanishini qo‘llab-quvvatlash hamda O‘FA huzurida loyiha ofisini tashkil etish imkoniyati ko‘rib chiqilgan.
