O‘zbekiston — Portugaliya uchrashuvi munosabati bilan Toshkent metrosi ish vaqti uzaytiriladi
23-iyun kuni soat 22:00 da O‘zbekiston milliy terma jamoasi Portugaliya terma jamoasiga qarshi maydonga tushadi.
Shu munosabat bilan muxlislar uchun qo‘shimcha qulaylik yaratish maqsadida Toshkent metropolitenining ish vaqti uzaytiriladi. Ma’lum qilinishicha, 23-iyun kuni metro yo‘lovchilarga tungi soat 01:00 ga qadar xizmat ko‘rsatadi.
Toshkent metropoliteni futbol ishqibozlari va poytaxt aholisi uchun jamoat transportidan foydalanishda yuzaga kelishi mumkin bo‘lgan noqulayliklarning oldini olish maqsadida ushbu chorani joriy etmoqda.
Yo‘lovchilardan safarlarini oldindan rejalashtirish hamda metrodan foydalanish qoidalariga amal qilish so‘raladi.
