O‘zbekiston terma jamoasi Niderlandiyaga qarshi o‘rtoqlik o‘yinida mag‘lub bo‘ldi

Futbol bo‘yicha O‘zbekiston milliy terma jamoasi Niderlandiyaga qarshi o‘rtoqlik uchrashuvida 1:2 hisobida mag‘lub bo‘ldi.

Shu bilan birga, jamoalar o‘rtasida o‘tkazilgan ikkinchi nazorat uchrashuvida futbolchilarimiz 2:1 hisobida g‘alaba qozondi.

Gollarga Amonov va O‘lmasaliyev mualliflik qildi.

Eslatib o‘tamiz, ikkinchi o‘yin tomonlarning kelishuviga muvofiq yopiq eshiklar ortida o‘tkazildi hamda har bir bo‘lim 30 daqiqadan davom etdi.