Toshkentda tez yordam mashinasiga yo‘l bermagan haydovchiga chora ko‘rildi

Toshkentda tez tibbiy yordam avtomobiliga yo‘l bermagan BYD haydovchisiga nisbatan ma’muriy bayonnoma rasmiylashtirildi, avtomobil esa jarima maydoniga joylashtirildi.

Ijtimoiy tarmoqlarda tarqalgan videoda tez yordam xodimi haydovchidan ovoz kuchaytirgich orqali bir necha bor yo‘l berishni so‘ragani, biroq u harakatlanishda davom etgani ko‘rinadi.

Haydovchi holatni qasddan sodir etmaganini aytib, avtomobil oynalari yopiq bo‘lgani va musiqa tinglab ketayotgani sababli tez yordam avtomobilining ogohlantiruvchi chaqirig‘ini eshitmay qolganini bildirgan.

Toshkent shahar IIBB YHXB xodimlari haydovchining shaxsini aniqlab, unga nisbatan tegishli choralar ko‘rdi.