Hindiston fuqarolari uchun O‘zbekistonga 30 kunlik vizasiz rejim joriy etildi

Prezident farmoniga ko‘ra, 2026-yil 1-sentabrdan ayrim xorijiy davlatlarning amaldagi ko‘p martalik biznes yoki turistik vizasiga ega bo‘lgan Hindiston fuqarolari uchun O‘zbekistonga 30 kungacha vizasiz kirish tartibi joriy etildi.

Yangi tartib Avstraliya, AQSH, Buyuk Britaniya va Shimoliy Irlandiya Birlashgan Qirolligi, Kanada, Koreya Respublikasi, Shengen kelishuvi ishtirokchisi bo‘lgan davlatlar, Yangi Zelandiya va Yaponiyaning amaldagi ko‘p martalik biznes yoki turizm vizasiga ega Hindiston fuqarolariga tatbiq etiladi.

Bunda fuqaro O‘zbekistonga kirishda o‘z mamlakatiga yoki uchinchi davlatga uchish aviachiptasini taqdim etishi kerak.

Vizasiz rejim tegishli xorijiy vizaning amal qilish muddati davomida O‘zbekiston hududiga kirgan kundan boshlab 30 kungacha amal qiladi.