Toshkent uzra bir necha kun laboratoriya samolyoti parvoz qiladi
“O‘zaeronavigatsiya” markazi ma’lumotiga ko‘ra, Toshkent shahri osmonida bir necha kun davomida maxsus laboratoriya samolyoti tekshiruv parvozlarini amalga oshiradi.
Parvozlar vaqtida havo kemasi poytaxt uzra turli yo‘nalish va manevrlarda uchishi, ayrim hududlar ustidan bir necha bor qayta o‘tishi hamda odatdagi reyslardan farq qiladigan harakatlarni bajarishi mumkin.
Qayd etilishicha, bunday parvozlar rejalashtirilgan tekshiruv ishlari doirasida amalga oshiriladi.
Shu sababli, poytaxt aholisi samolyotning noodatiy parvoz yo‘nalishlari yoki takroriy aylanishlarini ko‘rgan taqdirda xavotirga tushmaslikka chaqirildi.
