Toshkent viloyati yo‘llarida “aqlli svetofor”lar o‘rnatilmoqda

Toshkent viloyati hududida yo‘l harakati xavfsizligini oshirish, tirbandliklarni kamaytirish va transport harakatini samarali tashkil etish maqsadida A-373 “Toshkent–O‘sh” avtomobil yo‘lining 3–9-kilometrlari oralig‘idagi tartibga solinadigan piyodalar o‘tish joylaridagi mavjud svetoforlar zamonaviy “aqlli svetofor”lar bilan almashtirilmoqda.

Mazkur svetoforlar markazlashgan boshqaruv tizimi orqali ishlaydi. Bu transport oqimini samarali tartibga solish, harakat xavfsizligini ta’minlash hamda yo‘l harakati qoidalariga rioya etilishini nazorat qilish imkonini beradi.