“Toshkent” RFB texnologik modernizatsiya bo‘yicha takliflar so‘rovini e’lon qildi
“Toshkent” Respublika fond birjasi kapital bozori texnologik infratuzilmasini yangilashning navbatdagi bosqichini boshladi.
Loyiha doirasida savdo, kliring va hisob-kitoblar, brokerlik, bozor nazorati hamda birlamchi bozor tizimlarini kompleks modernizatsiya qilish rejalashtirilgan.
Takliflar so‘rovi – Request for Proposal (RFP) doirasida 36 ta xalqaro texnologik vendorga murojaat yuborildi. Bu zamonaviy xalqaro yechimlarni o‘rganish va birjaning texnologik talablariga eng mos platformani tanlash imkonini beradi.
Texnik va tijorat takliflari 2026-yil 10-oktabr soat 17:00 gacha qabul qilinadi.
