Anvarjon Aliyev MDH davlatlari arxiv xizmatlari Maslahat kengashi matbuot kotibi etib tayinlandi

Belarus Respublikasining Minsk shahrida bo‘lib o‘tayotgan MDHga a’zo davlatlar davlat arxiv xizmatlari rahbarlari Maslahat kengashining XXII yig‘ilishi doirasida kengashning axborot faoliyatini kengaytirishga qaratilgan qaror qabul qilindi.

Unga ko‘ra, O‘zbekiston Adliya vazirligi huzuridagi “O‘zarxiv” agentligi direktori matbuot kotibi Anvarjon Orifjonovich Aliyevga Maslahat kengashining rasmiy matbuot kotibi vakolatlari berildi.

Mazkur qaror Maslahat kengashining ommaviy axborot vositalari va jamoatchilik bilan aloqalarini kuchaytirish, arxiv sohasi bo‘yicha qabul qilinayotgan qarorlar va tashabbuslar haqida tezkor hamda ishonchli axborot taqdim etishga qaratilgan.