Abdumajid Shermuhamedov Andijon viloyati IIB boshlig‘i etib tayinlandi

Ichki ishlar vazirining tegishli buyrug‘iga asosan, polkovnik Abdumajid Mavlyanovich Shermuhamedov Andijon viloyati Ichki ishlar boshqarmasi boshlig‘i lavozimiga tayinlandi.

U bunga qadar Xorazm viloyati Ichki ishlar boshqarmasi boshlig‘i lavozimida faoliyat yuritgan.

Mazkur tayinlov bilan Abdumajid Shermuhamedov Andijon viloyatida jamoat xavfsizligini ta’minlash, huquqbuzarliklarning oldini olish hamda ichki ishlar organlari faoliyatini muvofiqlashtirishga rahbarlik qiladi.