Alkogol va tamaki bozorini tartibga solish inspeksiyasining rasmiy sahifalari ishga tushirildi

O‘zbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti qoshidagi Alkogol va tamaki bozorini tartibga solish inspeksiyasining rasmiy veb-sayti hamda Telegram, Facebook va Instagram’dagi sahifalari ishga tushirildi.

Rasmiy sahifalarda quyidagi yo‘nalishlarga oid ma’lumotlar muntazam yoritib boriladi:

– qonunchilik talablariga rioya etilishi ustidan nazorat;
– tadbirkorlik subyektlari va iste’molchilar huquqlarini himoya qilish;
– sohani rivojlantirishga qaratilgan kompleks dasturlar;
– ishlab chiqarish va ulgurji savdo faoliyatini litsenziyalash;
– aksiz siyosati samaradorligini ta’minlash;
– sog‘lom raqobat muhitini qo‘llab-quvvatlash;
– zamonaviy axborot tizimlarini joriy etish;
– huquqbuzarliklar va yashirin iqtisodiy faoliyatni aniqlash hamda profilaktika qilish;
– xavflarni tahlil qilish va monitoring olib borish.