“Oʻzbekneftgaz” tizimida yangi tayinlovlar amalga oshirildi
“Oʻzbekneftgaz” AJ tizimida qator rahbarlik lavozimlariga yangi tayinlovlar amalga oshirildi.
Qudratov Rufat Rustamovich “Oʻzbekneftgaz” AJning Muborak neft va gaz qazib chiqarish boshqarmasi direktori lavozimiga tayinlandi. U mazkur tayinlovga qadar “Oʻzneftgazquduqtaʼmirlash” AJ bosh direktori lavozimida faoliyat yuritgan.
Shuningdek, Nabiyev Mansur Mahmudovich “Oʻzneftgazquduqtaʼmirlash” AJ bosh direktorining vazifasini bajaruvchi etib tayinlandi. U bungacha jamiyatda bosh direktor oʻrinbosari – bosh muhandis lavozimida ishlab kelgan.
