Raqobat qo‘mitasi milliy brendlar muammolari bo‘yicha murojaatlarni qabul qilmoqda

Raqobat qo‘mitasi davlat rahbarining topshiriqlari ijrosini ta’minlash, milliy brendlarni qo‘llab-quvvatlash va mahalliy ishlab chiqaruvchilar faoliyatini rivojlantirish maqsadida tadbirkorlardan murojaat va takliflarni qabul qilmoqda.

Murojaatlar quyidagi masalalar bo‘yicha qabul qilinadi:

– mahalliy mahsulotlarga nisbatan insofsiz raqobat, jumladan demping narxlarni qo‘llash, tovar belgisini qalbakilashtirish, milliy brendni obro‘sizlantirish, tijorat sirini noqonuniy olish yoki oshkor etish hamda bozorga kirishga to‘sqinlik qilish;

– import qilinayotgan kontrafakt mahsulotlar;

– faoliyat yuritishdagi byurokratik to‘siqlar;

– ichki va tashqi bozorlarga chiqishdagi muammolar;

– raqobatni cheklayotgan boshqa holatlar.

Tadbirkorlar murojaat va takliflarini @rquzbot Telegram boti orqali yuborishlari mumkin.

Qo‘mita barcha murojaatlarni o‘rganib chiqib, aniqlangan muammolarni bartaraf etish yuzasidan tegishli choralar ko‘rishini ma’lum qildi.