Energetika vazirligida yangi tayinlovlar amalga oshirildi
O‘zbekiston energetika tizimida yangi kadrlar tayinlandi.
Umid Mamadaminov energetika vazirining birinchi o‘rinbosari lavozimiga tayinlandi. U mazkur tayinlovga qadar energetika vaziri o‘rinbosari lavozimida faoliyat yuritib kelgan.
Shuningdek, Umarjon Egamberdiyev energetika vazirining o‘rinbosari etib tayinlandi. Tayinlovga qadar u Prezidentning energetik xavfsizlik bo‘yicha vakili bo‘linmasida yetakchi inspektor lavozimida ishlagan.
Mazkur tayinlovlar energetika sohasida amalga oshirilayotgan islohotlarni samarali davom ettirish hamda tizim faoliyatini yanada takomillashtirishga xizmat qilishi kutilmoqda.
