Хalq banki talabalarga imtiyozli Ta’lim kreditini taklif etmoqda

Yangi o‘quv yili arafasida talabalar kontrakt to‘lovlarini Xalq bankining imtiyozli Ta’lim krediti orqali moliyalashtirishlari mumkin.

Kredit bo‘yicha yillik foiz stavkasi talaba xotin-qizlar uchun 0 foiz, talaba yigitlar uchun esa 14 foiz etib belgilangan.

Imtiyozli davr o‘qish muddati va undan keyingi 6 oyni tashkil etadi. Kredit muddati esa o‘qish davriga qo‘shimcha ravishda 7,5 yilgacha belgilanadi. Asosiy qarzni qaytarish rasmiy o‘qish muddati tugaganidan keyin yettinchi oydan boshlanib, 7 yil davomida amalga oshiriladi.

Ta’lim kreditini O‘zbekistondagi davlat, xususiy va xorijiy oliy hamda professional ta’lim tashkilotlarida, shu jumladan qo‘shma ta’lim dasturlari bo‘yicha bakalavriat va magistraturaning kunduzgi shaklida to‘lov-kontrakt asosida tahsil olayotgan barcha kurs talabalari rasmiylashtirishlari mumkin.

Arizani bankka bormasdan “xazna” mobil ilovasi orqali onlayn topshirish imkoniyati mavjud.

Reklama