Айрим техник регламентларга ўзгартириш ва қўшимчалар киритилди

Ўзбекистон Республикаси Ҳукуматининг 66-сонли қарорига мувофиқ айрим техник регламентларга ўзгартириш ва қўшимчалар киритилди. Унга кўра: 

Болалар ўйинчоқлари бўйича янги талаблар белгиланиб, “Болалар ўйинчоқлари хавфсизлиги тўғрисида”ги техник регламентга халқаро тажриба асосида қўшимчалар киритилди:

•  Магнитли ўйинчоқлар ва беланчаклар учун аниқ хавфсизлик талаблари жорий этилди.

•  Уларга махсус огоҳлантирувчи ёзувлар қўйиш мажбурий қилиб белгиланди.

•  Ўйинчоқлардаги магнит кучининг меъёри аниқ белгиланди, яъни болалар уни ютиб юбормаслиги ёки нафас йўлларига тушмаслиги учун чекловлар ўрнатилди.

Газ ускуналари ва иссиқхоналарда ишлатиладиган иситиш қозонларининг хавфсизлиги кучайтирилди:

“Газ ҳолатидаги ёқилғида ишловчи аппаратларнинг хавфсизлиги тўғрисида”ги техник регламентга ҳам ўзгартиришлар киритилди:

•  Газ ускуналарини ишлаб чиқаришда пайвандлаш ишлари хавфсизлик талабларига мувофиқ қатъий белгиланган жойларда бажарилиши белгиланди;

•  Иссиқхоналарда ишлатиладиган иситиш қозонларидан ажралиб чиқадиган   зарарли чиқиндиларни атроф-муҳитга таъсирини камайтириш учун:

  махсус фильтр билан ўрнатилган бўлиши шартлиги;

  сувни иситиш қурилмаси (экономайзер) билан жиҳозланган бўлиши белгиланди.

 Электротехника маҳсулотлари учун қўшимча муддат:

•  Янги ишлаб чиқилган  “Электротехника ва радиоэлектроника маҳсулотларида хавфли моддаларни ишлатишни чеклаш тўғрисида”ги техник регламент талабларини бажариш учун: •  Маҳаллий ишлаб чиқарувчилар ва импортёрлар мурожаатларига асосан, •  ўтиш даври яна 1 йилга узайтирилди. 

* ишлаб чиқаришни ҳалқаро амалиётга уйғунлаштириш; 

* синов лабораторияларини модернизация қилишга тайёрлаш;

* соҳада фаолият юритаётган ходимларни янги талаблар асосида малакасини ошириш; 

* янги стандартларни қабул қилиш.