Davlat organlari HR rahbarlari uchun amaliy o‘quv-seminar boshlandi

Boshqaruv samaradorligi agentligi tomonidan davlat organlari va tashkilotlarining inson resurslarini boshqarish bo‘linmalari rahbarlari uchun amaliy o‘quv-seminar o‘z ishini boshladi.

Seminarda respublika bo‘yicha davlat organlari va tashkilotlarining inson resurslarini rivojlantirish va boshqarish bo‘linmalari rahbarlari hamda soha ekspertlari ishtirok etmoqda.

Mazkur tadbirning asosiy maqsadi davlat organlarida inson resurslarini boshqarish tizimini yanada takomillashtirish, HR yo‘nalishida uchrayotgan dolzarb masalalarni muhokama qilish, ilg‘or tajribalarni ommalashtirish hamda zamonaviy boshqaruv yondashuvlarini amaliyotga keng joriy etishdan iborat.

Seminar davomida ishtirokchilar o‘zaro tajriba almashish, mavjud muammolar bo‘yicha fikr yuritish va ularning yechimlari yuzasidan takliflar ishlab chiqish imkoniyatiga ega bo‘ladilar.